Ringsel

Opprinneleg bygd for Trygve Gran til ein ishavsekspedisjon i 1909, men seinare overteke av K. Skaaluren, og i 1912 seld frå T. K. Skaaluren til Andreas A. Kvalvåg, Avaldsnes.

I 1917 besøker Ringsæl Arthur Oxaas og hans overvintringsekspedisjon på Jan Mayen. Eigar av Ringsæl, Martin Gudmundsen, hadde då vore med på å finansiere overvintringa, som ga rekordfangst.

På våren i 1920 var det ein stor arbeidskonflikt blant gruvearbeiderane på Bjørnøya. Ringsæl tok med 40 gruvearbeiderar til Noreg. Skuta kom ut i sterk storm, men klarte seg inn til Hammerfest.

I 1921 var Ringsel på Jan Mayen så seint som i november og skulle hente overvintrarar, Jacobsengruppa, som då var utrusta av Birger Jacobsen, Tromsø. Denne overvintringa fekk eit rettsleg etterspel, då ein del av skinna deira var stjelt av ein av overvintrarane.
Ringsel hadde også med forsyningar til radiostasjonen, då ein del av stasjonen var blitt skada under storm, og Ringsel gikk oppover med ny utrustning. Skuta vart meldt savna, men dukka opp i Tromsø seinare i november.

I 1922 var Ringsæl ekspedisjonsskip for Adolf Hoel til Svalbard.

I 1926 fører Ringsæl Finn Devold sin ekspedisjon til Svalbard. Ekspedisjonen som bestod av 4 mann som hadde til formål og drive Metroligiske observasjonar og trådlaus telegrafering til Noreg. Litt seinare på året gjekk Ringsel Foldvikekspedisjonen til Aust-Grønland. Ekspedisjonen hadde 6 deltakarar, leia av Nils Foldvik.

I 1930 og 1931 til Svalbard med engelske og svenske ornitologar.

I 1933 bergar Ringsel overlevande fra bergningsdampskipet Rouslan. Bakgrunnen var at den russiske isbrytaren Malygin då hadde gått på grunn i Isfjorden, der den seinare vart dregen av grunn av Rouslan. Den 24. april forliste så Rouslan. 10 av mannskapet på 13 berga seg ombord i ein livbåt. Den 1. mai ble livbåten funne av Ringsel. Då var det berre 3 mann igjen i livet. Kapteinen på Rouslan hadde gjort sjølvmord.

1935 kom Ringsel inn frå Vesterisen med 1982 sel og 200 tønner spekk.

1938/39 var den fartøy for norsk/fransk overvintringsekspedisjon på Nordaust-Grønland (Micardbu) med Micard/Nicolaisen/Willie Knutsen m.fl. Tilsaman hadde ekspedisjonen 13 deltakarar og skuta hadde namnet «En Avant».

I 1940 kom Ringsel på sommaren til Angmagssalik med Willie Knutsen og gikk derfrå vidare til USA.

I 1945 er Ringsel rekvirert av Wermarch

Forliste i orkanen i Vestisen 1952, og 14 mann kom vekk. Desse var:

Skipper Terje Johnsen, Tromsøysund, 31 år, Førsteskyttar Ole B. Mikalsen, Salten, 42 år, Andreskyttar Sverre K.B. Olsen, Tromsøysund, 24 år, Maskinist Johannes Pedersen, Tromsø, 30 år, Andremaskinist Ole Johnsen, Skjervøy, 30 år, Stuert Aleks Nikolajevitsj, Balsfjord, 38 år, Fangstmann Alf H. Sørensen, Tromsøysund, 19 år, Fangstmann Håkon J. Hansen, Tromsøysund, 49 år, Fangstmann Anton Nilsen, Balsfjord, 43 år, Fangstmann John T. Johansen, Tromsøysund, 35 år, Fangstmann Ludvig E.T. Pettersen, Tromsøysund, 32 år, Fangstmann Leif N. Akselsen, Balsfjord, 19 år, Fangstmann Kristian J. Henriksen, Tromsøysund, 30 år, Fangstmann Ole S. Stenvold, Tromsøysund 37 år.

Les meir om påskeorkanen her: https://www.ishavsmuseet.no/blogger/paskeorkanen-i-vesterisen-1952/